VALENTÍN, A RESIDENCIA E A DEPUTACIÓN

                                                                                                Un dos proxectos da Residencia no Hospitalillo (maio 2019)

O Alcalde das Pontes, e tamén Presidente da Deputación, é quen de facer repetidos anuncios que despois non se compren, sen custe algún; trátase de facer máis anuncios, iso si, sen explicar nunca que pasou cos anteriores.

Tanto ten que fale de chan industrial (que non existe), como de proxectos empresariais (cantos leva anunciado?), como de axudas do Plan Miner ou da Transición Xusta (case que inexistentes); o certo é que consigue cunha foto tapar a anterior. E, dado o éxito do método, agora tocoulle á Residencia Pública de Maiores.

Aínda que nos 17 anos de Alcalde xa anunciou varias Residencias -ningunha feita-, volve a aplicar o conto, dá igual. O curioso deste novo anuncio, o dunha Residencia da Deputación, é que non é novo.

Xa o fixo no 2019, hai 5 anos; daquela ía ser no antigo Hospitalillo de Endesa, mesmo presentou unha infografía e a cantidade que concedía da Deputación que xa presidía: 500.000 euros. O resultado é coñecido: todo quedou nunha nota de prensa en campaña electoral.

Mais o tempo vai pasando, a situación demográfica das Pontes, con perda de poboación moza e envellecemento moi superior a doutros concellos galegos, demanda con máis urxencia unha Residencia Pública de máis de 80 prazas só para As Pontes, segundo os criterios dos organismos internacionais (5 camas de residencia por cada 100 persoas maiores de 65 anos).

Mais nesta ocasión a presión obrigou ao Alcalde a actuar con urxencia, sen valorar as consecuencias da súa posta en escena mediática; o compromiso fíxose nun Pleno, que está gravado, no que afirmou ter convenio e anunciou datas e cantidades económicas (6 millóns de euros). Desta volta, o Alcalde vai ter que render contas.




Publicacións populares deste blog

VAISE SEN TER VIDO

Imaxe
  O 24 de novembro Teresa Ribera deixou de ser a responsábel do MITECO, e fíxoo sen ter visitado As Pontes durante os 6 anos que ocupou o cargo, nin sequera durante a campaña das últimas europeas na que era candidata. E non sería por non ter relación coa nosa Vila, que a tivo, e moita, pero para nada foi unha boa relación; as súas decisións foron moi prexudiciais, tanto que o propio alcalde chegou até liderar unha manifestación multitudinaria a Madrid (como ela non viña); tamén é certo que, sen saber o por que, o alcalde abandonou a proposta e, tamén, ao seu pobo, sen explicación algunha. O seu malquerer nas Pontes tivo un anuncio previo cunhas declaracións dun Secretario de Estado de Enerxía, en novembro de 2018, moi preto dunhas municipais, sobre de que a Central non duraría máis aló de 2030 (vaia se tiña razón), que motivaron o desmentido do Delegado do Goberno en Galiza, un tal Javier Losada (“ quiero dejarlo muy claro, As Pontes no se va a cerrar, va a seguir abierta ”), e...
Ler máis

DESMANTELAMENTO DA CENTRAL, AFILIACIÓNS Á SEGURIDADE SOCIAL E REALIDADE LABORAL NAS PONTES

Imaxe
Igual que o acontecido coas reformas na Central Térmica para adaptarse á Directiva de Emisións Industriais (DEI), era previsible que as obras do seu desmantelamento provoquen un incremento de afiliacións á Seguridade Social nas Pontes. Sen embargo, nesta ocasión, e polo momento, os efectos non están a ser tan positivos como se agardaban . Como se pode comprobar, dende que se iniciou o desmantelamento, logo da licenza municipal express de xullo, os efectos no emprego son aínda cativos ; pódese deber non só ao número de altas no propio desmantelamento, senón a que tamén danse baixas de afiliacións por xubilacións noutras empresas (no caso das Pontes, detéctase unha moderada perda de afiliacións no réxime de persoal Autónomo). Na seguinte táboa si podemos ver como os traballos de adaptación á DEI, entre os anos 2017 e 2019, tiveron unha influencia importante nas afiliacións. Pero esta gráfica móstranos tamén o gran baixada que tivemos de afiliacións dende que Goberna nas Pontes o PSO...
Ler máis