Colectivo Bidán

https://www.nosdiario.gal/articulo/economia/eolicas-ppa-exemplo-concreto/20241129180947211800.html  

  O 24 de novembro Teresa Ribera deixou de ser a responsábel do MITECO, e fíxoo sen ter visitado As Pontes durante os 6 anos que ocupou o cargo, nin sequera durante a campaña das últimas europeas na que era candidata. E non sería por non ter relación coa nosa Vila, que a tivo, e moita, pero para nada foi unha boa relación; as súas decisións foron moi prexudiciais, tanto que o propio alcalde chegou até liderar unha manifestación multitudinaria a Madrid (como ela non viña); tamén é certo que, sen saber o por que, o alcalde abandonou a proposta e, tamén, ao seu pobo, sen explicación algunha. O seu malquerer nas Pontes tivo un anuncio previo cunhas declaracións dun Secretario de Estado de Enerxía, en novembro de 2018, moi preto dunhas municipais, sobre de que a Central non duraría máis aló de 2030 (vaia se tiña razón), que motivaron o desmentido do Delegado do Goberno en Galiza, un tal Javier Losada (“ quiero dejarlo muy claro, As Pontes no se va a cerrar, va a seguir abierta ”), e...

  Nos últimos anos, sobre todo dende a campaña das eleccións municipais, asistimos a un boom de anuncios de novas empresas sen que, pasado este tempo, teñamos nada concreto. Sen embargo coméntase menos o futuro dalgunha empresa nas Pontes, como as desaparicións de empresas históricas (Autobuses Gabeiras ou Transportes Canosa). Pechada a Central Térmica e pendente o inicio do seu desmantelamento, queda de saber que instalacións desa Central poden ser catalogadas como BIC e/ou utilizadas para outros usos máis inmediatos; en calquera caso, o peche xa oficial está a supor unha perda significativa de ingresos ao Concello en concepto de BICES ( Ben inmoble de Características Especiais ) e de IAE ( Imposto de Actividades Económicas ). A Endesa quédalle a Central de Ciclo Combinado, que tamén supón un ingreso municipal moi importante polo BICES e IAE ; por iso sorprende que a pesar de que Endesa, na súa planificación, veña anunciando que vai desfacerse do negocio do gas, o Concello ...

Nas Pontes xa estamos afeitos a incumpridos anuncios de construción dunha Residencia Pública de Maiores, xa é algo habitual nos últimos 17 anos e en todas e cada unha das campañas electorais da municipais. O último anuncio trae a promesa de que vai ser a Deputación da Coruña quen asuma este investimento, con  Residencias de ámbito Comarcal nos Concellos das Pontes, Ordes e Rianxo; pero non só iso, senón que véndese como unha realización novidosa e, por iso, experimental . Pero, por favor, menos propaganda; non lles fai falta viaxar moito para ver como a Deputación de Lugo leva xa anos facendo todo iso. Axuntamos a información sobre os Orzamentos da Deputación de Lugo para o ano 2025 nesta materia, no capítulo de Protección Social: Xa teñen nove Residencias en: A Fonsagrada, Pedrafita do Cebreiro, Pol, Trabada, Cartoverde, Ribadeo, Meira, Navia de Suarna, Ribas de Sil. E están traballando para ter outras nove . Na Deputación da Coruña semella que non o saben. En fin. ...