AS PONTES-ENDESA: CENTRAL DE HIDRÓXENO EN ANDORRA SI, NAS PONTES NON
No 2022, o mesmo día que o Ministerio de Transición Ecolóxica autorizaba o peche da Central Térmica de Endesa, a empresa anunciaba un plan de desenvolvemento por valor de 2.682 millóns de euros, co maior proxecto de hidróxeno nas Pontes.
Só un ano despois, en
setembro de 2023, Endesa fixo outro anuncio: a súa renuncia ao proxecto de hidróxeno, que era o “máis
avanzado”, e que aínda hoxe publicita na súa web (https://www.endesa.com/es/proyectos/todos-los-proyectos/transicion-energetica/futur-e/as-pontes). Non coñecemos ningunha declaración pública do Alcade sobre do tema,
só silencio.
Agora, cumprindo coas
esixencias do Concurso de Transición Xusta, que afecta á capacidade de
evacuación do nodo Mudéjar (Teruel), Endesa empeza a tramitar a construción do
seu proxecto de hidróxeno en Andorra.
Lembrar que o nodo de
evacuación das Pontes, que debería ter os 1.400 MW que deixa libres o peche da
Central Térmica, nunca foi obxecto de Concurso, o Goberno do PSOE (o do que tanto
fotos presume Valentín) non fixo nada, só negalo despois de vendelo como a nosa
“fortaleza e oportunidade”.
As diferenzas das
obrigas para Endesa entre o peche da Mina e da Central son moitas e evidentes. Dez
anos antes do peche da Mina, Endesa tivo que asumir a realización de
Penapurreira e subvencionar ás empresas que se instalaban; agora, co peche da
Central, a Endesa chégalle con trasladar falsas esperanzas, coa colaboración do
Alcalde, do MITECO e da Xunta.
E as
diferenzas tamén están nos resultados. Nos 5 primeiros anos de aplicación do
Plano de Desenvolvemento (1997-2001), creáronse 826 empregos en 29 proxectos,
mentres que a Transición Xusta, nos seus 6 anos de aplicación, vén de apoiar a
6 proxectos con 27 empregos.
Fronte ao tacticismo dos anuncios e promesas, está a do traballo rigoroso e serio das realidades. O de Andorra é un exemplo, como o foi o das Pontes no seu tempo.
