ENEL, ENDESA, E HIPOTECAS DAS PERSOAS MOZAS

 



LEVOULLE MENOS TEMPO A ENEL RECUPERAR A COMPRA DE ENDESA

QUE AS PERSOAS MOZAS PAGAR A HIPOTECA DUN PISO


En só 17 anos ENEL recuperou o pagado pola compra de ENDESA, que era unha empresa pública, e iso que falamos dunha pequena cantidade (léase con retranca), algo máis de 36.000 millóns de euros.

Pola contra, á maioría de xente moza que solicita hipoteca para a compra dunha vivenda lévaslle 30 anos pagala; a esta contradición chámanlle “visión de mercado”, “enxeñaría financeira”, ..., o que non deixa de ser un simple pelotazo capitalista.

E todo isto de pasar dunha empresa pública estatal a unha empresa pública italiana, nun sector estratéxico como é o enerxético, fíxose coa colaboración política necesaria do PP e do PSOE, coas xa moi coñecidas portas xiratorias e outros datos non tan coñecidos, como o do que, neste período de 17 anos, houbo un Presidente de Endesa que, durante varios anos, tiña unha retribución bruta de 11.800 euros diarios.

A estes beneficios disparatados de ENEL houbo que sumarlle a vergoñenta achega do V Convenio do Grupo Endesa, onde a sección sindical da UGT entregoulle 515 millóns da provisión de dereitos do persoal pasivo e activo de Endesa.

No caso concreto das Pontes, ENEL tamén sacou tallada. En primeiro lugar, desfacéndose de propiedades que debería manter e pagar o IBI, entre elas a Canle IV que atravesa a Vila e que aínda hoxe, cando xa empeza a provocar problemas, descoñecemos cal foi o motivo polo que o Concello aceptouna sen ningunha contraprestación; en segundo lugar, e máis importante, a nula compensación que recibe As Pontes co peche da Térmica, a diferenza do acontecido co peche da Mina, onde a mobilización sindical e social obrigou a ENDESA a sufragar o Plano de Desenvolvemento, instrumento que só tivo aplicación nas Pontes. Destacar o silencio do Alcalde ante dous feitos, o que xa comentamos da case eliminación de Dereitos Sociais, que tamén supón unha perda económica, vía salarios e pensións, na vida económica do Concello (véselle ao Alcalde o seu compadreo ca UGT), e o menos coñecido, sobre os ingresos en contibución e actividades económicas aos que estaba obrigado ENEL-ENDESA, que, co peche da Térmica, significan xa ao ano 2,6 millóns de euros menos nas arcas do Concello.

É sorprendente que o noso Alcalde, tan afeito a anunciar boas novas e proxectos -leva 17 anos facéndoo sen ningunha realidade- non diga nada desta perda de 2,6 millóns.

En fin, ENEL fixo negocio, un gran negocio, tanto a nivel Estatal como Galego, pero para iso tivo e ten colaboradores.

Publicacións populares deste blog

VALENTÍN, A RESIDENCIA E A DEPUTACIÓN

Imaxe
                                                                                                 Un dos proxectos da Residencia no Hospitalillo (maio 2019) O Alcalde das Pontes, e tamén Presidente da Deputación, é quen de facer repetidos anuncios que despois non se compren, sen custe algún; trátase de facer máis anuncios, iso si, sen explicar nunca que pasou cos anteriores. Tanto ten que fale de chan industrial (que non existe), como de proxectos empresariais (cantos leva anunciado?), como de axudas do Plan Miner ou da Transición Xusta (case que inexistentes); o certo é que consigue cunha foto tapar a anterior. E, dado o éxito do mét...
Ler máis

VAISE SEN TER VIDO

Imaxe
  O 24 de novembro Teresa Ribera deixou de ser a responsábel do MITECO, e fíxoo sen ter visitado As Pontes durante os 6 anos que ocupou o cargo, nin sequera durante a campaña das últimas europeas na que era candidata. E non sería por non ter relación coa nosa Vila, que a tivo, e moita, pero para nada foi unha boa relación; as súas decisións foron moi prexudiciais, tanto que o propio alcalde chegou até liderar unha manifestación multitudinaria a Madrid (como ela non viña); tamén é certo que, sen saber o por que, o alcalde abandonou a proposta e, tamén, ao seu pobo, sen explicación algunha. O seu malquerer nas Pontes tivo un anuncio previo cunhas declaracións dun Secretario de Estado de Enerxía, en novembro de 2018, moi preto dunhas municipais, sobre de que a Central non duraría máis aló de 2030 (vaia se tiña razón), que motivaron o desmentido do Delegado do Goberno en Galiza, un tal Javier Losada (“ quiero dejarlo muy claro, As Pontes no se va a cerrar, va a seguir abierta ”), e...
Ler máis

DESMANTELAMENTO DA CENTRAL, AFILIACIÓNS Á SEGURIDADE SOCIAL E REALIDADE LABORAL NAS PONTES

Imaxe
Igual que o acontecido coas reformas na Central Térmica para adaptarse á Directiva de Emisións Industriais (DEI), era previsible que as obras do seu desmantelamento provoquen un incremento de afiliacións á Seguridade Social nas Pontes. Sen embargo, nesta ocasión, e polo momento, os efectos non están a ser tan positivos como se agardaban . Como se pode comprobar, dende que se iniciou o desmantelamento, logo da licenza municipal express de xullo, os efectos no emprego son aínda cativos ; pódese deber non só ao número de altas no propio desmantelamento, senón a que tamén danse baixas de afiliacións por xubilacións noutras empresas (no caso das Pontes, detéctase unha moderada perda de afiliacións no réxime de persoal Autónomo). Na seguinte táboa si podemos ver como os traballos de adaptación á DEI, entre os anos 2017 e 2019, tiveron unha influencia importante nas afiliacións. Pero esta gráfica móstranos tamén o gran baixada que tivemos de afiliacións dende que Goberna nas Pontes o PSO...
Ler máis