MANIFESTACIÓN DA CIG, VALENTÍN E A PRENSA

 


Ante a convocatoria dunha Manifestación da CIG, o domingo día 19, o Alcalde das Pontes tivo unha intervención no Pleno do Concello no que acusaba a ese sindicato de facer das Pontes un lugar de reivindicación, cando para o Alcalde e os seus asalariados concelleiros e concelleiras, As Pontes está perfectamente, "As Pontes va bien”, que diría Aznar.

Como dicilo nun Pleno do Concello non chegaba, o Alcalde empregou o seu poder mediático para que todos os xornais convencionais publicasen, o sábado anterior á convocatoria de Manifestación, a nota de prensa oficial do Concello sobre a baixada do  paro nas Pontes; nalgúns xornais esa nota de prensa saíu publicado sen ningún retoque, exactamente igual que a nota do Concello.

Nesa prensa non atopamos ningunha reflexión pola perda constante de poboación (sobre todo moza), a caída na afiliación á Seguridade Social dende que goberna o PSOE (máis de 1.700 persoas), nin á perda patrimonial das propiedades nas Pontes, ou dos baixos comerciais pechados (hai rúas das Pontes xa sen ningún comercio nin bar). En fin, a submisión deses medios de comunicación foi total ao ditado do PSOE local.

Mais para chegarmos a este grado de control mediático debemos reparar nos gastos que fai o Concello en publicidade e prensa, nisto Valentín é extremadamente xeneroso.

 
 

E non nos referimos só en anunciar eventos sociais que haxa nas Pontes, non; queremos facer especial mención a diferentes entrevistas, tanto en prensa escrita como en radio, que o Goberno Municipal paga. Sorprenderíalle saber á sociedade que cando vemos algunhas entrevistas publicadas, estas non aparecen polo seu suposto interese mediático, non, son publicadas porque o Concello (toda a veciñanza) paga por elas, e non poucos cartos.

 

Deste xeito foi construíndo o noso Alcalde unha imaxe de campechano e até de “gran xestor”, mais a realidade é evidente, nin sequera fan falta dar datos socioeconómicos, chega con darse un paseo polas Pontes calquera día, só iso, un simple paseo; o que outrora foi un pobo vivo hoxe languidece e, pola contra, quen di que o goberna está pletórico.
Pero a hemeroteca .....



E así nos vai.














Publicacións populares deste blog

VALENTÍN, A RESIDENCIA E A DEPUTACIÓN

Imaxe
                                                                                                 Un dos proxectos da Residencia no Hospitalillo (maio 2019) O Alcalde das Pontes, e tamén Presidente da Deputación, é quen de facer repetidos anuncios que despois non se compren, sen custe algún; trátase de facer máis anuncios, iso si, sen explicar nunca que pasou cos anteriores. Tanto ten que fale de chan industrial (que non existe), como de proxectos empresariais (cantos leva anunciado?), como de axudas do Plan Miner ou da Transición Xusta (case que inexistentes); o certo é que consigue cunha foto tapar a anterior. E, dado o éxito do mét...
Ler máis

VAISE SEN TER VIDO

Imaxe
  O 24 de novembro Teresa Ribera deixou de ser a responsábel do MITECO, e fíxoo sen ter visitado As Pontes durante os 6 anos que ocupou o cargo, nin sequera durante a campaña das últimas europeas na que era candidata. E non sería por non ter relación coa nosa Vila, que a tivo, e moita, pero para nada foi unha boa relación; as súas decisións foron moi prexudiciais, tanto que o propio alcalde chegou até liderar unha manifestación multitudinaria a Madrid (como ela non viña); tamén é certo que, sen saber o por que, o alcalde abandonou a proposta e, tamén, ao seu pobo, sen explicación algunha. O seu malquerer nas Pontes tivo un anuncio previo cunhas declaracións dun Secretario de Estado de Enerxía, en novembro de 2018, moi preto dunhas municipais, sobre de que a Central non duraría máis aló de 2030 (vaia se tiña razón), que motivaron o desmentido do Delegado do Goberno en Galiza, un tal Javier Losada (“ quiero dejarlo muy claro, As Pontes no se va a cerrar, va a seguir abierta ”), e...
Ler máis

DESMANTELAMENTO DA CENTRAL, AFILIACIÓNS Á SEGURIDADE SOCIAL E REALIDADE LABORAL NAS PONTES

Imaxe
Igual que o acontecido coas reformas na Central Térmica para adaptarse á Directiva de Emisións Industriais (DEI), era previsible que as obras do seu desmantelamento provoquen un incremento de afiliacións á Seguridade Social nas Pontes. Sen embargo, nesta ocasión, e polo momento, os efectos non están a ser tan positivos como se agardaban . Como se pode comprobar, dende que se iniciou o desmantelamento, logo da licenza municipal express de xullo, os efectos no emprego son aínda cativos ; pódese deber non só ao número de altas no propio desmantelamento, senón a que tamén danse baixas de afiliacións por xubilacións noutras empresas (no caso das Pontes, detéctase unha moderada perda de afiliacións no réxime de persoal Autónomo). Na seguinte táboa si podemos ver como os traballos de adaptación á DEI, entre os anos 2017 e 2019, tiveron unha influencia importante nas afiliacións. Pero esta gráfica móstranos tamén o gran baixada que tivemos de afiliacións dende que Goberna nas Pontes o PSO...
Ler máis