TARIFA ELÉCTRICA GALEGA VERSIÓN PP

 


A relación do Partido Popular galego e da Xunta coa defensa de termos unha Tarifa Eléctrica Galega é, cando menos, sorprendente e contraditoria.

Este Partido pasou de apoiar co seu voto a toma en consideración dunha Iniciativa Popular da CIG no Parlamento Galego para despois, no propio trámite parlamentar, baleirar todo o contido desa ILP, que, non casualmente, foi a de máis longa tramitación no Parlamento con case dou anos.

No proceso dese trámite, o Presidente da Xunta -naquela altura Feixóo- fixo repetidas declaracións sobre a imposibilidade de termos na Galiza unha tarifa eléctrica máis baixa, mesmo chegou a dicir que “En España non se entendería”.

Tempo despois, en outubro do 2024, a mesma Xunta do PP -agora con Rueda como Presidente-, e despois dun retiro “espiritual” do seu goberno na Ribeira Sacra, anunciou que a empresa Recursos de Galiza (sucedáneo de empresa pública/privada) ía constituír unha comercializadora eléctrica para, xa no 2025, ofrecer unha rebaixa do prezo da luz do 50% nos concellos con parques eólicos.

Neste momento, xa no 2025 e sen novas sobre esa comercializadora, volvemos ter outro novo anuncio da Xunta, desta volta coa elaboración dun novo Plano Sectorial Eólico que, previsibelmente, estará rematado alá polo 2028, cando xa teñamos os montes cheos de eólicos pola vía da "excepcionalidade". Con este novo Plano Sectorial van conseguir unha baixada do prezo da luz, mesmo pode chegar a ser xeneralizada para toda Galiza; ben é certo que, desta vez, non explican como van facelo.

Semella que agora, cando xa noutras Comunidades Autónomas hai diferentes iniciativas para beneficiarse deste recurso autóctono, á Xunta preocúpalle menos o que se pense no Estado Español sobre tarifas diferenciadas, algo que xa existe nalgúns países de Europa dende hai moitos anos; de feito, a tarifa eléctrica única no Estado foi unha imposición do franquismo.

Como dicimos ao principio, faise curioso ver como o PP (e a Xunta), en relativamente pouco tempo, van mudando os anuncios; están nunha encrucillada: defender os intereses das empresas eléctricas (véxase a lexislación que aproban para beneficialas) e, pola outra, explicarlle á sociedade galega que todo isto vaille beneficiar. E nesa contradición andan.

Cando se deu o debate da ILP da CIG, un alto cargo do Partido Popular no Parlamento recoñeceu, en privado, que o relato sobre a demanda dunha Tarifa Eléctrica Galega estaba gañado polo nacionalismo, e que ao PP só lle quedaba estudar como podía xestionar esta reivindicación.

Nós, o Bidán, non acreditamos moito nestes anuncios da Xunta; o tempo vainos dicir cando e como se cumpren, se é que o fan. Mais, en calquera caso, permítasenos unha licenza; xa que vivimos nunha desas moitas vilas galegas con Parques Eólicos, estaremos moi pendentes do anuncio de outubro de 2024, é dicir, Recursos de Galiza vai rebaixar nun 50% o recibo eléctrico no 2025; porque estamos seguros que esta Xunta sempre respecta e cumpre o que anuncia (léase este último con retranca).

Publicacións populares deste blog

VALENTÍN, A RESIDENCIA E A DEPUTACIÓN

Imaxe
                                                                                                 Un dos proxectos da Residencia no Hospitalillo (maio 2019) O Alcalde das Pontes, e tamén Presidente da Deputación, é quen de facer repetidos anuncios que despois non se compren, sen custe algún; trátase de facer máis anuncios, iso si, sen explicar nunca que pasou cos anteriores. Tanto ten que fale de chan industrial (que non existe), como de proxectos empresariais (cantos leva anunciado?), como de axudas do Plan Miner ou da Transición Xusta (case que inexistentes); o certo é que consigue cunha foto tapar a anterior. E, dado o éxito do mét...
Ler máis

VAISE SEN TER VIDO

Imaxe
  O 24 de novembro Teresa Ribera deixou de ser a responsábel do MITECO, e fíxoo sen ter visitado As Pontes durante os 6 anos que ocupou o cargo, nin sequera durante a campaña das últimas europeas na que era candidata. E non sería por non ter relación coa nosa Vila, que a tivo, e moita, pero para nada foi unha boa relación; as súas decisións foron moi prexudiciais, tanto que o propio alcalde chegou até liderar unha manifestación multitudinaria a Madrid (como ela non viña); tamén é certo que, sen saber o por que, o alcalde abandonou a proposta e, tamén, ao seu pobo, sen explicación algunha. O seu malquerer nas Pontes tivo un anuncio previo cunhas declaracións dun Secretario de Estado de Enerxía, en novembro de 2018, moi preto dunhas municipais, sobre de que a Central non duraría máis aló de 2030 (vaia se tiña razón), que motivaron o desmentido do Delegado do Goberno en Galiza, un tal Javier Losada (“ quiero dejarlo muy claro, As Pontes no se va a cerrar, va a seguir abierta ”), e...
Ler máis

DESMANTELAMENTO DA CENTRAL, AFILIACIÓNS Á SEGURIDADE SOCIAL E REALIDADE LABORAL NAS PONTES

Imaxe
Igual que o acontecido coas reformas na Central Térmica para adaptarse á Directiva de Emisións Industriais (DEI), era previsible que as obras do seu desmantelamento provoquen un incremento de afiliacións á Seguridade Social nas Pontes. Sen embargo, nesta ocasión, e polo momento, os efectos non están a ser tan positivos como se agardaban . Como se pode comprobar, dende que se iniciou o desmantelamento, logo da licenza municipal express de xullo, os efectos no emprego son aínda cativos ; pódese deber non só ao número de altas no propio desmantelamento, senón a que tamén danse baixas de afiliacións por xubilacións noutras empresas (no caso das Pontes, detéctase unha moderada perda de afiliacións no réxime de persoal Autónomo). Na seguinte táboa si podemos ver como os traballos de adaptación á DEI, entre os anos 2017 e 2019, tiveron unha influencia importante nas afiliacións. Pero esta gráfica móstranos tamén o gran baixada que tivemos de afiliacións dende que Goberna nas Pontes o PSO...
Ler máis