400 EMPREGOS, O NÚMERO MÁXICO DO ALCALDE

  



Comeza a ser preocupante a obsesión do alcalde co número 400 referido ao emprego nas Pontes. Sexa cal sexa o ámbito industrial, o número de empregos ou de familias que viven del (sen dar ningún dato oficial para ese cálculo) sempre é 400¡¡¡

A sesión matemático-trileira máis recente do alcalde foi a do pasado 14, no sector forestal, como se pode apreciar na nova do inicio. Pero xa tivo outras no metal e na eólica. E en todas elas 400 empregos ou familias¡¡¡



O tema dá moito de si, mais imos facer só dúas consideracións. A primeira con datos oficiais referidos ás afiliacións á Seguridade Social nas Pontes por sectores, para que sexa posíbel facer a comprobación matemática dos datos do alcalde, que, como se pode apreciar, algún erro deben ter.


E a outra para dicir o que o alcalde non quere ou non se atreve, aínda que sexa de actualidade e de moita importancia, sobre todo para contrastar ca fraude da chamada transición xusta.

Todos e cada un deses sectores nas Pontes teñen algo en común, e non é o 400 do alcalde, senón que de xeito directo ou indirecto, en menor ou maior medida, todas e cada unha desas empresas están nas Pontes polo Plano de Desenvolvemento Xunta-Endesa-Sindicatos; Plano forzado pola mobilización social e sindical no ano 1997 e que foi un instrumento útil e eficaz.

O esforzo do alcalde, si verdadeiramente o é, debe de ser o de esixir un novo Plano de Desenvolvemento para As Pontes, coa implicación do MITECO , da Xunta e, por suposto, de Endesa.

Vainos a vida.

Publicacións populares deste blog

VALENTÍN, A RESIDENCIA E A DEPUTACIÓN

Imaxe
                                                                                                 Un dos proxectos da Residencia no Hospitalillo (maio 2019) O Alcalde das Pontes, e tamén Presidente da Deputación, é quen de facer repetidos anuncios que despois non se compren, sen custe algún; trátase de facer máis anuncios, iso si, sen explicar nunca que pasou cos anteriores. Tanto ten que fale de chan industrial (que non existe), como de proxectos empresariais (cantos leva anunciado?), como de axudas do Plan Miner ou da Transición Xusta (case que inexistentes); o certo é que consigue cunha foto tapar a anterior. E, dado o éxito do mét...
Ler máis

VAISE SEN TER VIDO

Imaxe
  O 24 de novembro Teresa Ribera deixou de ser a responsábel do MITECO, e fíxoo sen ter visitado As Pontes durante os 6 anos que ocupou o cargo, nin sequera durante a campaña das últimas europeas na que era candidata. E non sería por non ter relación coa nosa Vila, que a tivo, e moita, pero para nada foi unha boa relación; as súas decisións foron moi prexudiciais, tanto que o propio alcalde chegou até liderar unha manifestación multitudinaria a Madrid (como ela non viña); tamén é certo que, sen saber o por que, o alcalde abandonou a proposta e, tamén, ao seu pobo, sen explicación algunha. O seu malquerer nas Pontes tivo un anuncio previo cunhas declaracións dun Secretario de Estado de Enerxía, en novembro de 2018, moi preto dunhas municipais, sobre de que a Central non duraría máis aló de 2030 (vaia se tiña razón), que motivaron o desmentido do Delegado do Goberno en Galiza, un tal Javier Losada (“ quiero dejarlo muy claro, As Pontes no se va a cerrar, va a seguir abierta ”), e...
Ler máis

DESMANTELAMENTO DA CENTRAL, AFILIACIÓNS Á SEGURIDADE SOCIAL E REALIDADE LABORAL NAS PONTES

Imaxe
Igual que o acontecido coas reformas na Central Térmica para adaptarse á Directiva de Emisións Industriais (DEI), era previsible que as obras do seu desmantelamento provoquen un incremento de afiliacións á Seguridade Social nas Pontes. Sen embargo, nesta ocasión, e polo momento, os efectos non están a ser tan positivos como se agardaban . Como se pode comprobar, dende que se iniciou o desmantelamento, logo da licenza municipal express de xullo, os efectos no emprego son aínda cativos ; pódese deber non só ao número de altas no propio desmantelamento, senón a que tamén danse baixas de afiliacións por xubilacións noutras empresas (no caso das Pontes, detéctase unha moderada perda de afiliacións no réxime de persoal Autónomo). Na seguinte táboa si podemos ver como os traballos de adaptación á DEI, entre os anos 2017 e 2019, tiveron unha influencia importante nas afiliacións. Pero esta gráfica móstranos tamén o gran baixada que tivemos de afiliacións dende que Goberna nas Pontes o PSO...
Ler máis