PECHE DA CENTRAL, ORZAMENTOS DO CONCELLO, E SUBVENCIÓNS

Que os efectos do peche da Central Térmica serían moi negativos para As Pontes era un convencemento colectivo consensuado, aínda que o Alcalde, sempre instalado no autobombo, dixera na prensa que era unha “grande oportunidade para reforzar o carácter industrial”; e iso que xa coñecía os alarmantes resultados do estudo contratado polo Concello -que nunca presentado nin feito público- a unha equipa de investigación da Universidade da Coruña, con González Laxe.


Pois ben, un deses efectos negativos xa ten consecuencias reais como a importante perda de ingresos municipais, uns 2,6 millóns euros menos anuais en impostos que Endesa xa deixou de pagar ao Concello.

Ante esta previsíbel situación, o Grupo Municipal do BNG presentou unha moción no Concello instando a negociar co Estado unha compensación por esta significativa perda de ingresos, produto de decisións políticas que afectaron á vida da Central; no Pleno do Concello aprobouse por unanimidade, mesmo a “desaparecida” Deputada “das Pontes” en Madrid alardeou no seu facebook desta aprobación, como se fose unha iniciativa do PSOE; porén, no momento que esta mesma proposta levouse a debate no Congreso, e a pesar que afectaba a As Pontes, esa Deputada non asistiu á Comisión e aínda que o PSOE votou en contra -xunto con VOX-, a iniciativa foi aprobada, co que a mesma Deputada borrou a anterior entrada no facebook. Todo un exemplo de coherencia.

Despois da votación en Madrid e xa abandonada polo goberno municipal e o alcalde, logo dunhas intensas e duras negociacións (moita retranca, por favor), tócalle á Alcaldía do PSOE tomar decisións, que, como sempre, estarán condicionadas ás súas prioridades e intereses personalistas e, tamén, partidistas.

E, de feito, xa teñen dado algunha que outra pista de por onde poderían ir os tiros. Nas súas estimacións para os próximos anos, o PSOE contempla, entre outras medidas, unha baixada moi importante, superior ao 60%,  na partida económica destinada ás subvencións a entidades, como se pode apreciar na seguinte gráfica elaborada cos datos municipais.


Do que non informan aínda é sobre como se aplicaría a diminución ás distintas áreas a subvencionar (comerciais, culturais, deportivas, empresariais, sociais, veciñais, ...), dato importante tendo en conta as diversas e diferentes cantidades das que fai uso o goberno municipal segundo distintos ámbitos.


De manter os criterios habituais que veñen aplicando na concesión, con aparencia -só iso- de obxectividade e imparcialidade, a rebaixa “igual para todas” ao aplicar un método proporcional semella ter poucas posibilidades.

Claro que tamén poderían ter influencia as eleccións municipais, as próximas claro. Coñecendo o seu rigor ...









Publicacións populares deste blog

VALENTÍN, A RESIDENCIA E A DEPUTACIÓN

Imaxe
                                                                                                 Un dos proxectos da Residencia no Hospitalillo (maio 2019) O Alcalde das Pontes, e tamén Presidente da Deputación, é quen de facer repetidos anuncios que despois non se compren, sen custe algún; trátase de facer máis anuncios, iso si, sen explicar nunca que pasou cos anteriores. Tanto ten que fale de chan industrial (que non existe), como de proxectos empresariais (cantos leva anunciado?), como de axudas do Plan Miner ou da Transición Xusta (case que inexistentes); o certo é que consigue cunha foto tapar a anterior. E, dado o éxito do mét...
Ler máis

VAISE SEN TER VIDO

Imaxe
  O 24 de novembro Teresa Ribera deixou de ser a responsábel do MITECO, e fíxoo sen ter visitado As Pontes durante os 6 anos que ocupou o cargo, nin sequera durante a campaña das últimas europeas na que era candidata. E non sería por non ter relación coa nosa Vila, que a tivo, e moita, pero para nada foi unha boa relación; as súas decisións foron moi prexudiciais, tanto que o propio alcalde chegou até liderar unha manifestación multitudinaria a Madrid (como ela non viña); tamén é certo que, sen saber o por que, o alcalde abandonou a proposta e, tamén, ao seu pobo, sen explicación algunha. O seu malquerer nas Pontes tivo un anuncio previo cunhas declaracións dun Secretario de Estado de Enerxía, en novembro de 2018, moi preto dunhas municipais, sobre de que a Central non duraría máis aló de 2030 (vaia se tiña razón), que motivaron o desmentido do Delegado do Goberno en Galiza, un tal Javier Losada (“ quiero dejarlo muy claro, As Pontes no se va a cerrar, va a seguir abierta ”), e...
Ler máis

DESMANTELAMENTO DA CENTRAL, AFILIACIÓNS Á SEGURIDADE SOCIAL E REALIDADE LABORAL NAS PONTES

Imaxe
Igual que o acontecido coas reformas na Central Térmica para adaptarse á Directiva de Emisións Industriais (DEI), era previsible que as obras do seu desmantelamento provoquen un incremento de afiliacións á Seguridade Social nas Pontes. Sen embargo, nesta ocasión, e polo momento, os efectos non están a ser tan positivos como se agardaban . Como se pode comprobar, dende que se iniciou o desmantelamento, logo da licenza municipal express de xullo, os efectos no emprego son aínda cativos ; pódese deber non só ao número de altas no propio desmantelamento, senón a que tamén danse baixas de afiliacións por xubilacións noutras empresas (no caso das Pontes, detéctase unha moderada perda de afiliacións no réxime de persoal Autónomo). Na seguinte táboa si podemos ver como os traballos de adaptación á DEI, entre os anos 2017 e 2019, tiveron unha influencia importante nas afiliacións. Pero esta gráfica móstranos tamén o gran baixada que tivemos de afiliacións dende que Goberna nas Pontes o PSO...
Ler máis