NIN O MITECO PODE DISIMULAR O FRACASO DA TRANSICIÓN XUSTA NAS PONTES

Veñen de cumprirse 5 anos da sinatura do “Acuerdo por una una Transición Energética Justa para Centrales Térmicas en Cierre: el Empleo, la Industria y los Territorios”, en Madrid, entre a por entón ministra Teresa Ribera, a hoxe aínda ministra Iolanda Díaz, o representante de Endesa José Bogas, e dúas persoas en representación de CCOO e UXT.


Lembremos que de dito acordo circulan dúas versións, do mesmo día e hora, unha xenérica de todas as empresas e outra só para Endesa, con datos referidos ao emprego destruído nas Pontes distintos.


Unha delas fixaba en 366, dos que 197 era, do persoal propio e 169 das Auxiliares, aos que a outra engadía uns 160 de transportistas do carbón. Con todo, calquera delas estaba moi por baixo dos 1.178 determinados pola Universidade da Coruña (UdC) en marzo de 2021, nun estudo para o Concello.


No meritado acordo, a parte do desenvolvemento alternativo con novos proxectos é responsabilidade case que exclusiva de Endesa, na súa xestión e execución, o que se concretou no chamado FUTUR-E, polo que a empresa titular da Central faría novos investimentos, nomeadamente no ámbito enerxético, e captaría outros, coa finalidade de, cando menos, neutralizar os postos de traballo destruídos polo peche da térmica de carbón.


Aínda que o Acordo fala dunha Comisión de Seguimento, con reunións de cada 6 meses, que, entre outras funcións, ocuparíase de vixiar o cumprimento do mesmo, o único que se publica son os informes anuais, elaborados polo MITECO e polo ITX; o de 2024 ten data do 09 de abril de 2025.


O documento permite comparar os compromisos de Endesa a respecto doutras empresas no resto dos territorios con centrais de carbón pechadas, e, tamén, os de Endesa en cada unha das súas centrais; de calquera das dúas análises chégase ao mesmo resultado negativo para o noso Concello.


No referido á estimación de creación de emprego a respecto do destruído polo peche, facendo unha proporción entre eles para cada zona, no caso de Endesa os resultados son demoledores e evidencia o fracaso preocupante e irresponsable da Transición Xusta nas Pontes:


De todas as localizacións de Endesa, As Pontes é onde os compromisos de Endesa teñen peores resultados, coa estimación (sen garantías) máis baixa de creación de emprego, case que a terceira parte da de Andorra-Teruel, onde si tiveron, por dúas veces, o Concurso do Nodo de Transición Xusta (con garantías), incluso por unha potencia superior a da propia central pechada. Meirama-Cerceda, con Naturgy, ten unha estimación do dobre das Pontes, e está a tramitar a súa poxa.

No emprego destruído, o MITECO só considera os empregos directos, de persoal propio da empresa (197 no caso de Endesa-As Pontes); no caso de ter en conta o das Auxiliares (AA, 169 segundo MITECO), o de transportistas do carbón (160 segundo MITECO), ou mesmo facelo a respecto dos sinalados polo estudo da UdC para o Concello (1.178), as relacións serían moito máis desfavorables, con maior número de empregos destruídos que os estimados polo MITECO (2 estimados por cada 10 perdidos, no caso da UdC).

Pois si o dí o MITECO ..... Non hai máis preguntas, Señoría.





Publicacións populares deste blog

VALENTÍN, A RESIDENCIA E A DEPUTACIÓN

Imaxe
                                                                                                 Un dos proxectos da Residencia no Hospitalillo (maio 2019) O Alcalde das Pontes, e tamén Presidente da Deputación, é quen de facer repetidos anuncios que despois non se compren, sen custe algún; trátase de facer máis anuncios, iso si, sen explicar nunca que pasou cos anteriores. Tanto ten que fale de chan industrial (que non existe), como de proxectos empresariais (cantos leva anunciado?), como de axudas do Plan Miner ou da Transición Xusta (case que inexistentes); o certo é que consigue cunha foto tapar a anterior. E, dado o éxito do mét...
Ler máis

VAISE SEN TER VIDO

Imaxe
  O 24 de novembro Teresa Ribera deixou de ser a responsábel do MITECO, e fíxoo sen ter visitado As Pontes durante os 6 anos que ocupou o cargo, nin sequera durante a campaña das últimas europeas na que era candidata. E non sería por non ter relación coa nosa Vila, que a tivo, e moita, pero para nada foi unha boa relación; as súas decisións foron moi prexudiciais, tanto que o propio alcalde chegou até liderar unha manifestación multitudinaria a Madrid (como ela non viña); tamén é certo que, sen saber o por que, o alcalde abandonou a proposta e, tamén, ao seu pobo, sen explicación algunha. O seu malquerer nas Pontes tivo un anuncio previo cunhas declaracións dun Secretario de Estado de Enerxía, en novembro de 2018, moi preto dunhas municipais, sobre de que a Central non duraría máis aló de 2030 (vaia se tiña razón), que motivaron o desmentido do Delegado do Goberno en Galiza, un tal Javier Losada (“ quiero dejarlo muy claro, As Pontes no se va a cerrar, va a seguir abierta ”), e...
Ler máis

DESMANTELAMENTO DA CENTRAL, AFILIACIÓNS Á SEGURIDADE SOCIAL E REALIDADE LABORAL NAS PONTES

Imaxe
Igual que o acontecido coas reformas na Central Térmica para adaptarse á Directiva de Emisións Industriais (DEI), era previsible que as obras do seu desmantelamento provoquen un incremento de afiliacións á Seguridade Social nas Pontes. Sen embargo, nesta ocasión, e polo momento, os efectos non están a ser tan positivos como se agardaban . Como se pode comprobar, dende que se iniciou o desmantelamento, logo da licenza municipal express de xullo, os efectos no emprego son aínda cativos ; pódese deber non só ao número de altas no propio desmantelamento, senón a que tamén danse baixas de afiliacións por xubilacións noutras empresas (no caso das Pontes, detéctase unha moderada perda de afiliacións no réxime de persoal Autónomo). Na seguinte táboa si podemos ver como os traballos de adaptación á DEI, entre os anos 2017 e 2019, tiveron unha influencia importante nas afiliacións. Pero esta gráfica móstranos tamén o gran baixada que tivemos de afiliacións dende que Goberna nas Pontes o PSO...
Ler máis