EMPREGO E DESMANTELAMENTO DA CENTRAL NAS PONTES, MÁIS PROMESAS E COMPROMISOS INCUMPRIDOS

Cando Endesa anunciou o peche definitivo da Central Térmica fixo publicidade de novos proxectos industriais, mais ningún existe na actualidade; un deles era a maior central de xeración de hidróxeno verde no ámbito estatal, que só dependía de Endesa, para a que ten comunicado hai tempo a súa renuncia e abandono, pero que aínda hoxe anuncia na súa web xunto co das rodas de Sentury.


Neste despropósito no que sen convertido a farsa da Transición Xusta nas Pontes, a hemeroteca é moi cruel, e iso que pasou moi pouco tempo. Xa daquela chamaba moito a atención as demandas do Alcalde a Endesa para conservar determinadas instalacións, cando poucos días antes tiña concedida a licenza municipal para tiralas. Pero a estas alturas doe, e moito, ler como o propio Alcalde dunha Vila á que lle pechan, de xeito desordenado, a Térmica, di textualmente: “Hay que pasar página, y cuanto antes mejor”.


Mais Endesa e o goberno municipal, o seu fiel e entregado aliado, tamén publicaron que o desmantelamento da Central Térmica ía xerar moito emprego, temporal, pero cun impacto moi positivo nas Pontes.

Aínda sen coñecerse datos oficiais pero coa referencia do que ten pasado noutras Centrais, As Pontes tamén pasará por períodos de máis emprego e outros con menos persoal.

Con todo, unha análise de como van evolucionando as afiliacións á Seguridade Social durante este ano 2025 permite obter información.


Namentres no Estado, na Galiza e tamén na provincia da Coruña, temos un incremento, no caso das Pontes, e a pesares do desmantelamento, hai unha baixada.

Isto quere dicir que As Pontes vai no camiño contrario dos índices xerais no Estado e na Galiza e, ademais, que os novos empregos temporais no desmantelamento -os únicos reais nesta publicidade enganosa do conto que chaman Transición Xusta- non compensan a perda doutras afiliacións á Seguridade Social, por traslados de residencia, xubilacións, ... En definitiva, temos un resultado negativo, no que non está aínda o pretendido peche de Einsa.

E en tal contexto, volve a pregunta esencial aínda sen resposta: por que nestes 18 anos de gobernos de Valentín non desenvolveu un só metro cadrado de solo industrial?

E para intentar tapar os efectos prexudiciais de tal irresponsabilidade é quen de permitir e favorecer a especulación con naves industriais, aínda que sexa destruíndo postos de traballo. Tempo teremos de facer esta reflexión.

Mais a mostra real do desastre é cando o Alcalde, na súa desesperación en amosar unha realidade ficticia, pretende vender o interese nas Pontes de investidores dos Estados Unidos -antes xa foron os de China e mesmo os de Portugal-; claro que Valentín oculta, por interese propio, que, en xeral, só son cambios de accionistas na titularidade das empresas locais, pero sen creación de emprego novo. E o tempo vainos dicir se iso é unha economía estábel ou non.


E, namentres, seguimos baixando en afiliacións á Seguridade Social, con desmantelamento e todo, mesmo xa temos unha porcentaxe menor de persoas afiliadas a respecto de persoas activas do que ten a provincia de Lugo, a segunda despois de Ourense, que menos ten do Estado. Todo un éxito de Valentín. E non hai páxinas da Voz que tapen tanto desastre.

Publicacións populares deste blog

VALENTÍN, A RESIDENCIA E A DEPUTACIÓN

Imaxe
                                                                                                 Un dos proxectos da Residencia no Hospitalillo (maio 2019) O Alcalde das Pontes, e tamén Presidente da Deputación, é quen de facer repetidos anuncios que despois non se compren, sen custe algún; trátase de facer máis anuncios, iso si, sen explicar nunca que pasou cos anteriores. Tanto ten que fale de chan industrial (que non existe), como de proxectos empresariais (cantos leva anunciado?), como de axudas do Plan Miner ou da Transición Xusta (case que inexistentes); o certo é que consigue cunha foto tapar a anterior. E, dado o éxito do mét...
Ler máis

VAISE SEN TER VIDO

Imaxe
  O 24 de novembro Teresa Ribera deixou de ser a responsábel do MITECO, e fíxoo sen ter visitado As Pontes durante os 6 anos que ocupou o cargo, nin sequera durante a campaña das últimas europeas na que era candidata. E non sería por non ter relación coa nosa Vila, que a tivo, e moita, pero para nada foi unha boa relación; as súas decisións foron moi prexudiciais, tanto que o propio alcalde chegou até liderar unha manifestación multitudinaria a Madrid (como ela non viña); tamén é certo que, sen saber o por que, o alcalde abandonou a proposta e, tamén, ao seu pobo, sen explicación algunha. O seu malquerer nas Pontes tivo un anuncio previo cunhas declaracións dun Secretario de Estado de Enerxía, en novembro de 2018, moi preto dunhas municipais, sobre de que a Central non duraría máis aló de 2030 (vaia se tiña razón), que motivaron o desmentido do Delegado do Goberno en Galiza, un tal Javier Losada (“ quiero dejarlo muy claro, As Pontes no se va a cerrar, va a seguir abierta ”), e...
Ler máis

DESMANTELAMENTO DA CENTRAL, AFILIACIÓNS Á SEGURIDADE SOCIAL E REALIDADE LABORAL NAS PONTES

Imaxe
Igual que o acontecido coas reformas na Central Térmica para adaptarse á Directiva de Emisións Industriais (DEI), era previsible que as obras do seu desmantelamento provoquen un incremento de afiliacións á Seguridade Social nas Pontes. Sen embargo, nesta ocasión, e polo momento, os efectos non están a ser tan positivos como se agardaban . Como se pode comprobar, dende que se iniciou o desmantelamento, logo da licenza municipal express de xullo, os efectos no emprego son aínda cativos ; pódese deber non só ao número de altas no propio desmantelamento, senón a que tamén danse baixas de afiliacións por xubilacións noutras empresas (no caso das Pontes, detéctase unha moderada perda de afiliacións no réxime de persoal Autónomo). Na seguinte táboa si podemos ver como os traballos de adaptación á DEI, entre os anos 2017 e 2019, tiveron unha influencia importante nas afiliacións. Pero esta gráfica móstranos tamén o gran baixada que tivemos de afiliacións dende que Goberna nas Pontes o PSO...
Ler máis