Colectivo Bidán

Veñen de cumprirse 5 anos da sinatura do “ Acuerdo por una una Transición Energética Justa para Centrales Térmicas en Cierre: el Empleo, la Industria y los Territorios ”, en Madrid, entre a por entón ministra Teresa Ribera, a hoxe aínda ministra Iolanda Díaz, o representante de Endesa José Bogas, e dúas persoas en representación de CCOO e UXT. Lembremos que de dito acordo circulan dúas versións, do mesmo día e hora, unha xenérica de todas as empresas e outra só para Endesa, con datos referidos ao emprego destruído nas Pontes distintos. Unha delas fixaba en 366, dos que 197 era, do persoal propio e 169 das Auxiliares, aos que a outra engadía uns 160 de transportistas do carbón. Con todo, calquera delas estaba moi por baixo dos 1.178 determinados pola Universidade da Coruña (UdC) en marzo de 2021, nun estudo para o Concello. No meritado acordo, a parte do desenvolvemento alternativo con novos proxectos é responsabilidade case que exclusiva de Endesa, na súa xestión e execución, o que se...

O IGE (Instituto Galego de Estatística) vén de publicar os datos sobre pensións na Galiza, e, como xa recollían estatísticas de anos anteriores, As Pontes ten o importe medio de pensión máis alto de Galiza con 1.842,48 euros. O dato é relevante para entender a realidade socioeconómica da nosa Vila. A ninguén se lle escapa que estas pensións son o resultado das cotizacións anteriores, produto dunha Vila industrial como a nosa, onde, ademais, tivemos unha empresa cun número moi importante de traballadoras con gran actividade sindical e mobilizadora que, entre outros logros -tamén para o conxunto do pobo-, acadaron unha condicións salariais dignas. Porén, este dato de termos a pensión máxima do País, produto do pasado, non debe agochar a realidade actual, que, loxicamente, define o presente pero tamén o futuro. Na actualidade, As Pontes está no posto 35 na relación de salarios brutos mensuais na Galiza, con 2.033 euros, nivel salarial moi preocupante dende o punto de vista das pensións ...

Disque "todo depende da cor do cristal coa que se mire". Pois hoxe publícase no Boletín da Provincia da Coruña un anuncio do Concello que permite analizar a situación das Pontes sen dita dependencia, só con facer unha secuencia temporal do indicador obxectivo e imparcial que se publica. O Imposto de Actividades Económicas (I.A.E.) é o tributo obrigatorio ingresado polo Concello, que se aplica a autónomas e empresas por realizar unha actividade profesional, empresarial ou artística, con ou sin local; cando o importe neto da súa cifra de negocios é inferior ao millón de euros, están exentas do seu pago. Mais alá das profusa propaganda e autobombo da Alcaldía (moita dela pagada cos nosos impostos), os datos do I.A.E. son deses dos que nunca se comentan dende o PSOE local, xa que prefiren “vendernos” unha situación esplendorosa e un futuro idílico que, curiosamente, choca coa realidade do día a día da nosa Vila. A xustificación de dito comportamento cos datos do I.A.E., da súa re...

Recentemente coñecemos a compra da empresa Arteixo Telecom , situada en Penapurreira, por parte do grupo empresarial vasco Ohmnia , liderado polo empresario José Antonio Jainaga , que é presidente de Sidenor e que actualmente aparece moito na prensa económica como posíbel comprador de Talgo . Agora, o Goberno Vasco, a través da Finkatuz -o fondo público de investimento do Instituto Vasco de Finanzas- vén de entrar no accionariado de Ohmnia , o que, en termos prácticos, significa que o Goberno Vasco é un accionista significativo en Arteixo Telecom das Pontes. Este é un exemplo práctico da política industrial que desenvolve o Goberno Vasco. Dende logo, non hai comparación coas actuacións da Xunta de Galiza, que limita a súa política industrial a ser unha xestoría que tramita documentación e converterse en mera espectadora do que acontece coa industria no noso País. E o mesmo pódese aplicar noutros ámbitos, incluso nos que Galiza ten mellores recursos propios, nomeadamente o enerxético...

NOTA : Pola súa actualidade, aínda cando vai cumprir cinco anos, publicamos hoxe o noso primeiro "artigo" como Bidán, de autoría do amigo Manolo Cabarcos, do que fixemos reparto entre as asistentes a unhas xornadas nas que participamos, xa como Bidán,  no concello de Muras, en xullo de 2020. Dicía o sabio Voltaire que: “ alguén intelixente aprende da experiencia dos demais ”. Aprender cos demais e da experiencia dos demais necesita, cando menos, dúas condicións: aceptar que necesitamos aprender e recoñecer que podemos aprender dos demais, aínda que non pensen coma nós. Estas serían algunhas das premisas para considerar que adoptamos unha actitude intelixente a este respecto. Tal aprendizaxe require, tamén e en calquera caso, moito menos esforzo intelectual e supón, ademais, un aforro de tempo e medios considerables. No programa Erasmus+ proponse contribuír á consecución, entre outros, dos obxectivos da Estratexia Europa 2020, incluído o obxectivo principal sobre a educación...

https://www.nosdiario.gal/articulo/economia/calendario-europeo-da-transicion-enerxetica/20250603210657224306.html  

A mediados do outubro do ano pasado, con toda a propaganda que sempre precisa o Alcalde, presentouse nas Pontes o denominado Plan Municipal de Vivenda;  no informe elaborado para o devandito Plan, afirmábase que no casco urbano había case un 30% de vivendas baleiras, case 1 de cada 3 vivendas. Agora, hai só uns días, noutro acto público logo do celebrado en xaneiro para falar ás propiedades das vivendas de prezos referencias para As Pontes de 500 euros de aluguer, asínase entre o Concello e a Xunta, os mesmos de xaneiro, un acordo para desenvolver máis vivenda protexida nas Pontes. Está ben, moi ben, que se constrúa nas Pontes, pois á vista da desastrosa situación socioeconómica a que nos levaron os 18 anos dos gobernos “exitosos” de Valentín, calquera cousa que se faga é como ver caer chuvia nun deserto. Mais hai un pequeno problema chamado poboación; dende que goberna Valentín, a perda de habitantes nas Pontes foi do 15%, 1.780 persoas; de feito, o noso concello está entre os 6 d...