Colectivo Bidán

   Vai tempo que dende o goberno municipal do PSOE non falan do proxecto de Sentury Tire, coñecido como o das rodas, que co seu anuncio de 750 empregos, nunha primeira fase, sería unha parte moi importante, a fundamental, para dar solución á problemática socioeconómica xerada polo peche da Central. É sospeitoso e preocupante o silencio do PSOE, mais cando a súa Concelleira de Industria, hoxe alcaldesa en funcións, chegou a anunciar o inicio das obras no 2023, sen cautela algunha. Até o Alcalde, tamén sen cautela algunha e de xeito irresponsábel, trasladou expectativas laborais ao persoal das Auxiliares, mediante a sinatura dun convenio, por suposto ben publicitado, que de nada valeu ao non impedir os seus despidos e/ou traslados fóra das Pontes, incluídas as represalias e vetos a algún dos seus representantes sindicais. Pechadas ou sen convocatorias dende vai anos as mesas sobre das Pontes en Madrid e en Compostela, disolto de xeito unilateral e sen explicación o Comit...

  A relación do Partido Popular galego e da Xunta coa defensa de termos unha Tarifa Eléctrica Galega é, cando menos, sorprendente e contraditoria. Este Partido pasou de apoiar co seu voto a toma en consideración dunha Iniciativa Popular da CIG no Parlamento Galego para despois, no propio trámite parlamentar, baleirar todo o contido desa ILP, que, non casualmente, foi a de máis longa tramitación no Parlamento con case dou anos. No proceso dese trámite, o Presidente da Xunta -naquela altura Feixóo- fixo repetidas declaracións sobre a imposibilidade de termos na Galiza unha tarifa eléctrica máis baixa, mesmo chegou a dicir que “ En España non se entendería ”. Tempo despois, en outubro do 2024, a mesma Xunta do PP -agora con Rueda como Presidente-, e despois dun retiro “ espiritual ” do seu goberno na Ribeira Sacra, anunciou que a empresa Recursos de Galiza (sucedáneo de empresa pública/privada) ía constituír unha comercializadora eléctrica para, xa no 2025, ofrecer unha rebaixa do pre...

  Ante a convocatoria dunha Manifestación da CIG, o domingo día 19 , o Alcalde das Pontes tivo unha intervención no Pleno do Concello no que acusaba a ese sindicato de facer das Pontes un lugar de reivindicación, cando para o Alcalde e os seus asalariados concelleiros e concelleiras, As Pontes está perfectamente, "As Pontes va bien” , que diría Aznar. Como dicilo nun Pleno do Concello non chegaba, o Alcalde empregou o seu poder mediático para que todos os xornais convencionais publicasen, o sábado anterior á convocatoria de Manifestación, a nota de prensa oficial do Concello sobre a baixada do  paro nas Pontes; nalgúns xornais esa nota de prensa saíu publicado sen ningún retoque, exactamente igual que a nota do Concello. Nesa prensa non atopamos ningunha reflexión pola perda constante de poboación (sobre todo moza), a caída na afiliación á Seguridade Social dende que goberna o PSOE (máis de 1.700 persoas), nin á perda patrimonial das propiedades nas Pontes, ou dos baixos comer...

  No 2022, o mesmo día que o Ministerio de Transición Ecolóxica autorizaba o peche da Central Térmica de Endesa, a empresa anunciaba un plan de desenvolvemento por valor de 2.682 millóns de euros, co maior proxecto de hidróxeno nas Pontes. Como sempre fai, o Alcalde das Pontes sumouse a xerar expectativas positivas, sempre facendo promesas que, pasado o tempo, seguen a ser só promesas “ en tramitación ”. Só un ano despois, en setembro de 2023, Endesa fixo outro anuncio: a súa renuncia ao  proxecto de hidróxeno, que era o “ máis avanzado ”, e que aínda hoxe publicita na súa web ( https://www.endesa.com/es/proyectos/todos-los-proyectos/transicion-energetica/futur-e/as-pontes ). Non coñecemos ningunha declaración pública do Alcade sobre do tema, só silencio. Agora, cumprindo coas esixencias do Concurso de Transición Xusta, que afecta á capacidade de evacuación do nodo Mudéjar (Teruel), Endesa empeza a tramitar a construción do seu proxecto de hidróxeno en Andorra. Lembrar que o n...

  Desta volta imos aos datos da Seguridade Social para comprobar a realidade das Pontes. Como se pode evidenciar, dende que goberna Valentín nas Pontes, baixamos en 1.772 as persoas de alta, polo tanto, cun contrato de traballo. O dato de 3.505 altas na Seguridade Social é o máis baixo dende 2003. Ao comparalo co dato publicado pola Voz de Galicia o domingo, que fixaba en 3.038 o número de pensionistas nas Pontes, temos unha proporción de 1,2 persoas traballando por cada pensionista. Claro que tamén é posíbel que o Ministerio de Inclusión, Seguridade Social e Migracións contribúa a " amosar unha imaxe terxiversada da Vila ", ao apoiar, coa súa información, a visión de quen convoca para o domingo 19 unha manifestación " propagandística dunha formación sindical ", facendo das Pontes o seu " protestómetro ". Xa sabedes que, segundo o goberno municipal, " moitas das empresas dos polígonos non encontran traballadores ". En fin, así nos vai.

  Rede Eléctrica de España (REE) vén de facer públicos os datos de xeración eléctrica do ano 2024. Pendentes dos referidos á demanda ou consumo, para unha información e análise completa e máis significativa, deixamos as nosas gráficas elaboradas cos meritados datos, nas que se evidencia a situación de Galiza a respecto do Estado e mesmos doutras zonas de referencia en renovábeis.

Dende que goberna o PSOE nas Pontes moitos foron os anuncios de creación de emprego, pero a partires do 2019, co inicio do peche da Central Térmica e da denominada Transición Xusta, estes anuncios de novas empresas incrementáronse exponencialmente, na campaña das Eleccións Municipais raro era o día que o Alcalde non publicase a implantación dunha nova empresa. Pero, de momento, só existen os anuncios. A realidade é a información que dá o IGE (Instituto Galego de Estatística) sobre o número de empresas que hai nas Pontes; 809 no ano 2019, cando se inicia a Transición Xusta e, no 2023, baixamos a 751. Nestes datos recóllense as diferentes modalidades de empresas, pero para ter unha información máis de detalle, podemos ver só as que son Sociedades Anónimas (S.A.), que teñen un maior peso económico e de emprego. E, por último, a afectación ás empresas de persoas autónomas. Con estes datos oficiais, o PSOE das Pontes continúa como se nada pasase, están instalados na felicidade e tamén n...

  LEVOULLE MENOS TEMPO A ENEL RECUPERAR A COMPRA DE ENDESA QUE AS PERSOAS MOZAS PAGAR A HIPOTECA DUN PISO En só 17 anos ENEL recuperou o pagado pola compra de ENDESA, que era unha empresa pública, e iso que falamos dunha pequena cantidade (léase con retranca), algo máis de 36.000 millóns de euros. Pola contra, á maioría de xente moza que solicita hipoteca para a compra dunha vivenda lévaslle 30 anos pagala; a esta contradición chámanlle “ visión de mercado ”, “ enxeñaría financeira ”, ..., o que non deixa de ser un simple pelotazo capitalista. E todo isto de pasar dunha empresa pública estatal a unha empresa pública italiana, nun sector estratéxico como é o enerxético, fíxose coa colaboración política necesaria do PP e do PSOE, coas xa moi coñecidas portas xiratorias e outros datos non tan coñecidos, como o do que, neste período de 17 anos, houbo un Presidente de Endesa que, durante varios anos, tiña unha retribución bruta de 11.800 euros diarios. A estes beneficios disparatados de...

  Segundo os datos oficiais e públicos, nas Pontes temos moita máis afiliación á Seguridade Social de persoas maiores de 55 anos que de menores de 34. Un dato máis que confirma o avellentamento na nosa Vila.

https://www.nosdiario.gal/articulo/economia/galiza-aragon-xeracion-electrica-renovabel/20250102220445213844.html